PIDATO BAHASA SUNDA SINGKAT
1.
Assalamualaikum
Warahmatullahi Wabarakatuh.
Alhamdulillahilladzi
an’ama ‘alaina bi ni’matil iman, wal islam. Asyahadualla ilaha illaloh,wasyhadu
anna Muhammadarrosullulah. Allohuma sholi ‘ala Muhammad wa’ala ali syaidina
Muhammad amma ba’du
Panghulung kalbu kajembaran fuji janten panghias ati urang sanggakeun ka dzat anu maha suci. Dzat anu ngan sahiji nyatana Allah rabbul ijati. Fuji anu janten panghias rasa urang sanggakeun ka dzat anu maha kawasa nyatana Allah, aza wajala syukur anu janten pangratos masihan rahmat, taufik sinareng hidayahna sahingga urang sadaya tiasa kempel ngariung di ieu majlis ilmu anu mudah-mudahan kenging ridho ti gusti Allah ta’ala. Amiin…..
Sholawat sinareng
salamna mugia tetep di kocorkeun, dilengserkeun ka jungjunan urang sadaya,
panutan sadaya umat islam nyatana kanjeng Nabi Muhammad SAW ka para kaluwargina
sohabatna tabi’in tabi’atna anu pamudah-mudahan dugi ka urang sadaya salaku
umatna.
Kepala Madrasah, dewan
guru sadayana anu ku simkuring di pihormat, oge teu hilap ka sadaya rerencangan
abdi, anu kusimkuring di pihormat.
Ngadegna simkuring di
didieu Insya Allah bade nyobian nyampekeun hiji biantara anu eusina
“ COBAAN ATAWA UJIAN “
Ujian anu di pasihan
ku gusti Allah ka bagi 2 nyaeta :
1. Ujian anu manis
2. Ujian anu pait
- Nu kahiji ujian anu
manis nyaeta anu di pasihan nikmat ti gusti Allah
- Nu kadua ujian anu
pait nyaeta saperti di pasihan musibah
Jadi kasimpulanan
Upami urang di pasihan
anu manis, urang kedah bersyukur. Naon sababna ?
sabab aya ayat Al
Quran surar Ibrahim ayat 7
Anu hartosna
Saestuna upami urang
syukuran kana nikmat Allah, pasti kami bakal nambihan nikmat . Tapi sabalikna,
upami kufur kana nikmat Allah maka siksa Allah kacida pedihna.
Upami urang di pasihan
ujian anu pait, sapertos musibah maka urang kedah sabar.
Nabi bersabda :
Sabar eta sabagian
tina iman
Sareng Allah ngadawuh
:
Allah seneng ka
jalma-jalma anu sabar, jadi urang hirup di dunya ieu pinuh cobaan.
Saleresna masih aya
keneh anu di saurkeun tapi waktosna anu teu cekap, sakieu ti abdi hatur nuhun
ka sadaya perhatosan nana.
Hapunten bilih aya
kalepatan.....
Aqulu Qouli hada,
wassalamu’alaikum Wr Wb.
2.
Assalamualaikum wr wb
Langkung tipayun urang
panjatkeun puji sinareng syukur kailahiirabbi nu mana kalayan hidayah sareng
inayahna, urang sadaya tiasa kempel dina ieu tempat kalwan dina kayaan sehat
walafiat.
Para wargi anu ku
simkuring dipikahormat.
Dina ieu waktos, abdi
bade nerangkeun sakumaha pentingna hirup sehat kanggo urang sadayana. Janten,
urang sadaya kedah atawa wajib ngajaga lingkungan sareng awak nyalira pikeun
urang sadaya tiasa ngajaga tina sagala panyakit. Ku margi kitu, urang kedah
ningkatkeun pola hirup sehat kanggo kapayunna di kawitan ti ayuena.
Dina salah sahiji
hadits diterangkeun...
Inna dhofatu minal
iman
Nu hartosna : “Kabersihan teh
sabagian tina Iman”
Tina hadits eta, urang
tangtu tos ngartos maksad sareng tujuannana, nyaeta urang teh umat muslim anu
ngagaduhan iman dina jero hate urang. Upami urang sadaya iman ka Allah, berarti
urang kudu bersih atanapi suci tina sagala kokotor boh hadas alit atawa hadas
ageung, nu nyebabkeun urang teu suci.
Bersih eta sadaya teh
nu didasarkeun tina bersihna jeung sucina urang sareng lingkungan di sakitar
urang. Kabersihan sakola oge kudu urang jaga. Urang kudu mikacinta kabersihan
sangkan hate urang ge milu bersih.
Kabersihan teh aya
marupi-rupi macemna, nyaeta aya bersih hate, bersih jiwa, bersih raga, sareng
bersih rohani. Tah, urang kudu janten jalmi anu kaasup kana jalma anu bersih
sadayana. Allohumma, amien…
Hayu urang sami-sami
ningkatkeun pola hirup sehat kanggo kasaean urang sadaya sangkan tiasa leuwih
getol kana ibadah ka Gusti nu Maha Welas tur Maha Asih.
Para wargi anu mulya.
Cekap sakitu abdi
nyanggakeun pihatur, pamungkas pisanggem, bilih aya basa anu kirang entep
saeureuhna atanapi kecap anu kirang merenanh larapna, mugi kersa ngahapunten.
Wassalammu’alaikum Wr.
Wb.
Assalamualaikum
Wr. Wb
Wilujeng Enjing Sadayana.
Ibu Guru nu dipihormat sareng sadaya rerencangan, siswa
kelas IV nu dipikacinta.
Langkung ti payun mangga urang sanggakeun puji sareng
sukur ka Allah SWT nu parantos maparin waktos ka urang sadayana dugi ka tiasa
patepang raray dina ieu acara. Alhamdulillah urang tiasa kempel di ieu tempat
dina kaayaan sehat wal afiat.
Para wargi anu ku simkuring dipihormat. Dina ieu waktos,
abdi bade ngadugikeun kumaha pentingna hirup sehat kanggo urang sadayana. Urang
sadaya kedah atawa wajib ngajaga lingkungan sareng awak sorangan sangkan
dijauhkeun tina sagala panyakit.
Ku margi kitu, urang kedah ngalaksanakeun hirup
sadidinten ku cara anu sehat. Meresihan awak atawa ibak, meresihan kuku, nyikat
waos anu rutin, eta conto hirup anu sehat. Conto sanesna, miceun runtah kana
tempatna, nyiduh ulah di mana wae, batuk atawa beresin kudu nutupan baham.
Saupami sadidinten urang ngajaga kaberesihan awak urang
bakal beresih atanapi suci tina sagala kokotor. Bersih teh hartosna
bersih-sucina diri urang sareng lingkungan di sabudeureun urang. Urang kedah
mikacinta kana kabersihan sangkan hate urang ge suci sareng bersih.
Hadirin sadaya. Cekap sakitu nu kapihatur, pamungkas ti
abdi, bilih aya basa anu kirang entep seureuhna atanapi kecap anu kirang
merenanah larapna, mugi kersa ngahapunten.
Hatur nuhun kana perhatosanana.
Wassalamualaikum wr.wb
4.
Assalamualikum Wr. Wb.
Puji
sareng syukur hayu sasarengan urang sadaya haturkeun ka Gusti Allah SWT kumargi
dina ieu waktos urang sadaya di pasihan kasehatan lahir sareng bathin.
Teu
hilap solawat sareng salam hayu urang sadaya haturkeun ka junjugan Nabi
Muhammad SAW, kangge rerencanganna, kaluargana sareng ka urang sadayana, amin.
Saterasna, simkuring ngahaturkeun hatur nuhun kanggo Ibu Elis kumargi tos
masihan waktos kangge abi ngabiantarakeun di payuneun rerencangan sadaya.
Ibu-ibu,
bapak-bapak, teteh-teteh, aa-aa sadayana judul ieu biantara teh nyaeta Ngajaga
Kaberesihan Sakola Pikeun Kanyamanan Diajar
Sapertos
nu ku urang sadaya tingal ayeuna, kaberesihan sakola urang sadaya teh kacida
kurangna, sok sanajan sakola urang sadaya ieu teh nuju di bangun, urang
sadaya tetep kudu ngajaga kaberesihan, minimal kaberesihan kelas masing-masing.
Sapertos
dina HR. At-Tabrani sareng Hakim annnadaafatu minal iman nu artina Kaberesihan nyaeta bagian tina iman. berarti lamun
urang sadaya ngajaga kaberesihan berarti urang sadaya kaasup jalmi nu beriman
nu aya di jalan Allah SWT.
Sareng
aya deui H.R At-Tirmizii nu isina urang teh kudu ngajaga jeung ngaberesihan
buruan imah urang, tah ari kitu mah naon hubunganna jeung sakola? Nya aya atuh,
urang teh diajar disakola teh geus jiga urang keur calik di bumi urang
sorangan, sanajan euwuh Bapa, Indung kan aya Bapa jeung Ibu guru nu geus
dianggap ku urang sadaya jiga kolot urang.
Salian
ti eta, manfaat urang sadaya ngajaga kaberesihan sakola nyaeta pikeun
kanyamanan urang diajar. Sok ayeuna bayangkeun lamun urang sadaya diajar dina
tempat nu bararau sampah jeung rea kebul, pasti urang na ge teu betah, guru-guru
oge sami siga kitu lamun kelas urang sadaya kelasnya karotor pasti teu betaheun
tuluy menta kelasna diberesihan heula lamun rek diajar, kan aya.
Tuluy
manfaatna nu ka dua nyeta urang sadaya moal bakal kakeunaan panyakit, sapertos
Malaria, DBD jeung sajabana. Kabeh panyakit teh sarangna tinu sampah jeung
sajabana.
Pikeun
ngajaga kaberesihan sakola, dina hate urang sadaya kudu di terapkeun sikap
atawa inisiatif pikeung ngajaga kaberesihan. Sakola kuduna mah ngayakeun
kagiatan beberesih sakola babarengan sapertos JUMSIH (Jumat Bersih). Urang
salaku warga SMP N 1 Garut kudu ngilu aktip dina sagala kagiatan sakola, aktip
dina sagala kahadean sakola, aktip miara sakola.
Dina
diri urang tong aya pipikiran kieu ken bae ah da beberesih mah gawe na Mang Mim
jeung Mang Kasmo, ulah kitu. Sanajan Mang Mim jeung Mang Kasmo ngaberesihan
sakola urang ge kudu ngilu beberesih, karunya Mang Mim jeung Mang Kasmo ari
urang sadaya teu ngajaga kaberesihan, hargaan saeutik atuh sagala parjuangan
Mang Kasmo jeung Mang Mim, minimal henteu miceun sampah sangeunahna.
Kasimpulana,
urang sadaya kudu sami-sami ngajaga kaberesihan sakola pikeun kanyamanan
diajar, balik deui ka kanyamanan diajar, kanyamanan diajar manfaatna nyaeta
pikeun ngahadekeun nyerep sagala palajaran, pikeun nu diajar jeung nu ngajar
baretah cicing di sakola.
Minimal
urang ngajaga kaberesihan sakola nyaeta tong miceun sampah sangeunahna. Sabab
mun urang miceun sampah sangeunahna, teu dina tempatna bakal rea pibakaleun
panyakit. Tuluy ngajaga kaberesihan kelas masing-masing. Mun nu hade mah sakola
ngadakeun JUMSIH urang sadaya kudu ngiluan tina eta kagiatan.
Sakieu
wae biantara nu ku simkuring tiasa haturkeun, mugi-mugi aya mangpaatna kango
sadaya, hapunteun bilih aya kalepatan dina ngahaturkeun ieu biantara. Hatur
nuhun tina sagala perhatosannana.
Wasalamualikum
Wr. Wb.
Assalamualaikum
warakhmatullahi wabarakaatuh !
Salam Sejahtera
Mula-mula kuring hayang ngedalkeun hatur nuhun ka ibu guru sarta
kabeh rencang kuring anu geus masihan kasempetan kuring pikeun pidato dina
beurang ieu, ngeunaan miara lingkungan.
Hadirin anu dipihormat, urang nyaho yen global warming nyata
masalah anu serius pikeun nagara-nagara anu aya di dunya. Global warming teh
lumangsung sabab kagiatan manusa anu bisa ngarusak bumi tempat urang hirup.
Global warming nyata proses kanakan suhu rata-rata atmoser,
sagara, sarta bumi. Global warming ieu ngabogaan akibat anu picilakaeun pikeun
kahirupan makhluk hirup, saperti: suhu hawa ngaronjat di luhur rata-rata,
mindengna lumangsung cuaca anu henteu menentu saperti ayeuna ieu, parobahan
iklim, jst. Global warming ta akibat ti efek imah kaca, kebakaran leuweung,
jst.
Pamarntah geus ngalaksanakeun usaha pikeun nyegah global warming,
sapertos: ngalakukeun reboisasi, ngahulag pangwangunan gedong anu mak kaca
kaleuleuwihan, penanaman sarbu tangkal, nyieun taman kota, jst. Henteu ngan di
Indonsia tapi nagara-nagara di dunya geus ngalakukeun usaha panyegahan global
warming.
Pancen urang minangka pelajar kudu miara lingkungan ambh global
warming henteu ngancem mahluk hirup anu aya di bumi ieu. Urang bisa ngalakonan
tindakan leutik tapi boga pangaruh ged, saperti: urang miceun runtah dina
tempatna, melak tangkal di pakarangan kelas, nyokot runtah anu ambacak, jst.
Hadirin anu dipihormat, ku sabab ta miara lingkungan kacida
penting sakali ambeh anakincu jaga urang engke bisa ngarasakeun endahna hirup
di dunya ieu sarta bumi urang tetep lestari. Amin!
Hayu urang mimitian miara lingkungan ayeuna saperti melak tangkal
pikeun hiji urang!
Wassalamualaikum Warakhmatullahi wabarakaatuh !
Assalamualaikum Wr. Wb
Wilujeng
Enjing Sadayana.
Ibu
Guru nu dipihormat sareng sadaya rerencangan, siswa kelas IV nu dipikacinta.
Langkung
ti payun mangga urang sanggakeun puji sareng sukur ka Allah SWT nu parantos
maparin waktos ka urang sadayana dugi ka tiasa patepang raray dina ieu acara.
Alhamdulillah urang tiasa kempel di ieu tempat dina kaayaan sehat wal afiat.
Para
wargi anu ku simkuring dipihormat. Dina ieu waktos, abdi bade ngadugikeun
kumaha pentingna hirup sehat kanggo urang sadayana. Urang sadaya kedah atawa
wajib ngajaga lingkungan sareng awak sorangan sangkan dijauhkeun tina sagala
panyakit.
Ku
margi kitu, urang kedah ngalaksanakeun hirup sadidinten ku cara anu sehat.
Meresihan awak atawa ibak, meresihan kuku, nyikat waos anu rutin, eta conto
hirup anu sehat. Conto sanesna, miceun runtah kana tempatna, nyiduh ulah di
mana wae, batuk atawa beresin kudu nutupan baham.
Saupami
sadidinten urang ngajaga kaberesihan awak urang bakal beresih atanapi suci tina
sagala kokotor. Bersih teh hartosna bersih-sucina diri urang sareng lingkungan
di sabudeureun urang. Urang kedah mikacinta kana kabersihan sangkan hate urang
ge suci sareng bersih.
Hadirin
sadaya. Cekap sakitu nu kapihatur, pamungkas ti abdi, bilih aya basa anu kirang
entep seureuhna atanapi kecap anu kirang merenanah larapna, mugi kersa
ngahapunten.
Hatur
nuhun kana perhatosanana.
Wassalamualaikum
wr.wb
Label: kumpulan pidato, kumpulan pidato bahasa sunda, Pidato, Pidato bahasa sunda, pidato bahasa sunda singkat, Pidato singkat
0 Komentar:
Posting Komentar
Berlangganan Posting Komentar [Atom]
<< Beranda